Futbol üzrə Azərbaycan Premyer Liqası: “Qarabağ” “Qəbələ”ni məğlub edib

Futbol üzrə Azərbaycan Premyer Liqasında III tura yekun vurulub.

Astarainfo.az “Report”-a istinadən məlumat verir ki, həftənin son matçı ötən mövsümün çempionu “Qarabağ”la gümüş mükafatçısı “Qəbələ” arasında olub.

Görüşdə hesabı ikinci hissədə Ağdam təmsilçisi açıb: Mahir Mədətov fərqlənib. Altı dəqiqə sonra Steven Monroz bərabərlik qolunu vursa da, Markos Madera yenidən “Qarabağ” önə keçirib və yekun nəticəni təyin edib.

Bu qələbədən sonra xalını 9-a çatdıran “Qarabağ” ikinci pillədəki yerini qoruyub. “Qəbələ” isə 6 xalla 3-cü sırada qalıb.

Qeyd edək ki, ilk oyun günündə “Neftçi” “Kəpəz”lə qolsuz heç-heçə edib, “İnter” “Səbail”i yenib – 1:0. Bu gün keçirilən “Zirə” – “Sumqayıt” matçında isə meydan sahibləri 3:1hesabı ilə qalib gəliblər.

“Qarabağ” – “Qəbələ” – 2:1

Qol: Mahir Mədətov, 62. Markos Madera, 73 – Steven Monroz, 68

Hakimlər: Fariz Yusifov, Yaşar Abbasov, Vaqif Musayev, Rauf Cabbarov

AFFA nümayəndəsi: Şaiq Həmidov

Hakim-inspektor: Əli Hüseynov

“Azersun Arena”