Badamın insan orqanizminə faydası sonsuzdur. İsladılmış badam isə vücudumuz üzərində sehirli təsirə malikdir.

  Badamın tərkibində sonsuz sayda vitamin, mineral və yağ turşuları var.

Bəs onu yemədən öncə suda islatsaq nə baş verər?

Quru badamın qabığındakı fermentlər çəyirdəyi qorumaq üçündür. İslatdıqdan sonra isə çəyirdəyin qabığı asanca çıxır. Bu zaman yeyilən badam orqanizmdə daha asan həzm olunur. Ümumiyyətlə, qoz, fındıq, badam və digər quru meyvələri qabıqsız yeyəndə faydası birə beş artır. Odur ki, mütəxəssislər bu ərzaqları gecədən suda saxlayıb, səhər yeməyi məsləhət görürlər.

Ürəyə faydası sonsuzdur

Badamın tərkibindəki yağ, zülal və kalsiumun orqanizmə, xüsusən də ürəyə faydası hədsizdir. Vitamin E ürək-damar xəstəliklərinin, maqnezium isə ürək sancılarının qarşısını alır. İsladılmış badam arteriya damarının da fəaliyyətini tənzimləyir.

Enerji mənbəyidir

İsladılmış badam çox böyük təsirə malik enerji mənbəyidir. Gündəlik halsızlıqla mübarizə aparıb, enerjini artırmaq üçün gün ərzində bir neçə isladılmış badam yemək tövsiyə olunur. Bu maddələr mübadiləsini tənzimləyir, xolesterinin səviyyəsini azaldır.

Beyinin fəaliyyətini yaxşılaşdırır

Badamın tərkibindəki riboflavin və ya l-karnitin maddəsi şüurun aktivliyini artırır, Alzeymer xəstəliyinin yaranmasının qarşısını alır.

Sümükləri gücləndirir

Fosfor, mineral və vitaminlər sümükləri daha möhkəm və sağlam edir. Bu isə dişləri möhkəmləndirməyə və osteoporoz xəstəliyinin qarşısını almağa xidmət edir.

Qan təzyiqini tənzimləyir

Badamın tərkibindəki kalium qan təzyiqini tənzimləyir, natrium isə qanın laxtalanmasının qarşısını alır.

 Publika.az