UEFA “Qarabağ”ın 19 yaşadək futbolçulardan ibarət komandasının UEFA-dakı iştirak ərizəsində yol verdiyi səhvi aradan qaldırıb.
Astarainfo.az Qol.az-a istinadən məlumatına görə, qrumun rəsmi saytı əvvəlcə komandanın baş məşqçisi kimi Afrandil Hacıyevi göstərmişdi.
U-19-un baş məşqçisi Rəşad Sadıqovun oyunlar zamanı əsas komanda ilə Çempionlar Liqasında meydana çıxacağından UEFA komandanın baş məşqçisi kimi Hacıyevin adını qeyd etmişdi. Lakin A.Hacıyev müvəqqəti olaraq – Çempionlar Liqasının oyunları zamanı U-19-a rəhbərlik edəcək.
Qitənin ali futbol qrumu artıq səhvini düzəldib və komandanın baş məşqçisi kimi Sadıqov göstərilib.
