Bir neçə gün öncə xəbər verdiyimiz kimi, futbol üzrə Türkiyə Super Liqası çərçivəsində keçirilən oyunlar “CBC Sport” telekanalı vasitəsilə ilk dəfə olaraq ölkəmizdə yayımlanacaq.

Lakin Türkiyə Super Liqasının bu həftəki oyunları yayımlanmayacaq.

Publika.az-a danışan kanalın baş redaktoru Şəmsəddin Abbasov buna səbəb olaraq texniki məsələlərin hələ tam yekunlaşmadığını göstərib: “Türkiyə Super Liqası çərçivəsində keçirilən matçlar Azərbaycanda ilk dəfə olaraq “CBC Sport” kanalında yayımlanacaq. Bu barədə artıq müqavilələr imzalanıb. Lakin belə bir layihə ilk dəfə həyata keçirildiyi üçün texniki məsələlərdə bəzi çatışmazlıqlar mövcuddur. Bu səbəbdən Super Liqanın, çox güman ki, bu turu ölkəmizdə yayımlanmayacaq.

Matçların hansı tarixdən etibarən yayımına başlanması isə sual altındadır. Bu məsələ texniki problemlərin yekunlaşma tarixinə bağlıdır.

Tamaşaçılarımıza müraciət edərək səbrli olmalarını rica edirəm. Ümid edirik ki, ən yaxın zamanda oyunların yayımına start veriləcək”.

Zümrüd