Cari ilin yanvar-avqust ayları ərzində Azərbaycanın xarici ticarət dövriyyəsinin həcmi ötən ilin eyni dövrü ilə müqayisədə 9,24% azalaraq 12 523,8 mln. ABŞ dolları təşkil edib.
“Report” bu barədə Dövlət Gömrük Komitəsinə istinadən xəbər verir.
Bu müddətdə idxal 4,22% azalaraq 5 300,8 mln. dollar, ixrac 12,60% azalaraq 7 223,0 mln. dollara enib. Beləliklə, cari ilin yanvar-avqust ayları ərzində xarici ticarət dövriyyəsində 1 922 mln. dollar həcmində müsbət saldo yaranıb ki, bu da ötən ilin eyni dövrü ilə müqayisədə 7,7 dəfə çoxdur.
Hesabata əsasən, Azərbaycan cari ilin ilk 8 ayı ərzində 180 ölkə ilə ticarət əməliyyatı həyata keçirib. Bu müddətdə Azərbaycan 2 775 adda məhsul ixracı həyata keçirib, ölkəyə isə 7 061 adda məhsul idxal olunub.
