İran yeni uzaqmənzilli ballistik raketini təqdim edib

İran bir neçə döyüş başlığını daşıya biləcək 2 min kilometr uçuş məsafəsinə malik ballistik raketini təqdim edib.

“Report” “Press TV”yə istinadən xəbər verir ki, “Khorramshahr” adlı raket Tehranda keçirilmiş hərbi parad zamanı nümayiş olunub.

Tədbirdə ölkə prezidenti Həsən Ruhani və İran ordusunun yüksək rütbəli zabitləri iştirak ediblər.

Qeyd edək ki, İran prezidenti bir qədər əvvəl ölkənin raket kompleksinin imkanlarını gücləndirmək fikrində olduğunu demişdi.