Azərbaycanda doğuş zamanı ana dünyasını dəyişib

Qobustan rayonunda doğuş zamanı ölüm hadisəsi baş verib.

 Astarainfo.az-ın “Report”a istinadən məlumatına görə, Qobustan Rayon Mərkəzi Xəstəxanasının Doğum şöbəsində doğuş zamanı ana dünyasını dəyişib.

Bu, 1988-ci il təvəllüdlü Günəşova Zümrüd Nəzir qızının üçüncü hamiləliyi olub. Onun iki oğul övladı var. Onun yeni doğulan qızı isə sağ qalıb.

Mərhumun yaxınları ananın ölümündə həkimləri ittiham edirlər.

Faktla bağlı araşdırma aparılır.