Azərbaycan vətəndaşları Rusiyaya manatla, komissiyasız pul göndərmək imkanı əldə edib

Rusiyanın pul köçürmələri və ödəniş sistemi – “Contact” milli valyutada Azərbaycan, Qazaxıstan və Qırğızıstana və əks istiqamətdə pul köçürmələrini pulsuz edib.

“Report” bu barədə Rusiya mətbuatına istinadən xəbər verir.

Şirkətin ödəniş sisteminin inkişafı üzrə direktoru Sergey Nesterov bildirib ki, ikivalyutalı pulköçürmə xidmətinin inkişafı sayəsində “Contact” istifadəçiləri dollar və avroya konvertasiya etmədən milli valyutada pul göndərmək və almaq imkanı əldə edəcəklər.

Bu yeniliyin yaxın vaxtlarda digər ölkələr üçün də tətbiq olunacağı gözlənilir.