Son günlər sosial şəbəkələrdə Çində saxta yollarla hazırlanan yumurtaların videosu yayılıb. Əvvəlcə sarı maddəni suya qataraq onu qatılaşdırırlar, sonra isə ağ rəngdə olan maddə qaba tökülür və üzərinə qatılaşmış sarı maddə əlavə edilir.
Hər ikisi suya salındıqdan sonra ortaya belə mənzərə çıxır – süni yumurta.
Astarainfo.az Xezerxeber.az-a istinadən məlumat verir ki, Çində çəkilən görüntülərdə süni halda yumurtaların əldə edildiyini aydın görmək mümkündür. Həmin yumurta qaynadıldıqdan və ya bişirildikdən sonra isə əsl yumurtadan heç də fərqlənmədiyi aydın görünür. Bu isə kimyəvi tərkibdə hazırlanan yumurtaların insan sağlamlığına vura biləcəyi ziyanı aktuallaşdırır.
Bəs saxta yumurtaların Azərbaycana gətirilməsi mümkündürmü?
Azad İstehlakçılar Birliyinin sədri Eyyub Hüseynov təsdiq edir ki, süni yumurta əldə etmək mümkündür. Onun sözlərinə görə, istənilən süni qida insan sağlamlığı üçün təhlükəlidir: “Amma birmənalı olaraq deyə bilərəm ki, belə qidalar Azərbaycana gətirilmir”.
Yeni yaradılan Qida Təhlükəsizliyi Agentliyi də məhz bu kimi halların qarşısını almağa imkan verəcək.
Bu isə o deməkdir ki, yeni yaradılan Agentlik ölkədə qida təhlükəsizliyini tam təmin edəcək.
Xezerxeber.az mövzu ilə bağlı daha ətraflı videomaterialı təqdim edir: