UNESKO-nun Ümumdünya İrs Komitəsinin 43-cü sessiyası davam edir.

Bugünkü müzakirədə Azərbaycanın Şəki ilə bağlı irəli sürdüyü nominasiyaya baxılıb.

Şəkinin Dünya İrs Siyahısına salınması ilə bağlı keçirilən müzakirələrdə Şəki xan sarayı və tarixi məkanlarının vəziyyəti qiymətləndirilib.

Müzakirələrin sonunda irəli sürülən nominasiya qəbul edilib.

Qeyd edək ki, Ümumdünya İrs Komitəsinin 43-cü sessiyasının bu gün keçirilən iclasında Dünya İrs Siyahısına təqdim edilən 10 nominasiyaya baxılmalıdır.


***12:50

Bakı Konqres Mərkəzində UNESKO-nun Ümumdünya İrs Komitəsinin 43-cü sessiyasının iyulun 7-də keçirilən növbəti iclasında Şəkinin Xan Sarayı ilə birgə şərin tarixi mərkəzinin UNESCO-nun Ümumdünya İrs Siyahısına daxil edilməsi ilə bağlı fayla baxılıb.

ICOM-un hesabatı dinlənildikdən sonra müzakirələrə başlanıb.

Qeyd edək ki, 2017-ci ildə Polşanın Krakov şəhərində keçirilən UNESCO-nun Ümumdünya İrs Komitəsinin 41-ci sessiyasında ölkəmiz tərəfindən təqdim edilən “Xan sarayı ilə birgə Şəkinin tarixi mərkəzi” adlı nominasiya müzakirə olunub.(Report)