Birləşmiş Millətlər Təşkilatının Qida və Kənd Təsərrüfatı Təşkilatı (FAO) bir çox ölkəyə xəbərdarlıq edib.
Astarainfo.az xəbər verir ki, xüsusilə, Afrika qitəsini istila edən çəyirtkə sürüsü təhlükəli səviyyəyə çatıb və təsir dairəsini genişləndirib.
Paylaşılan xəritədə çəyirtkələrin İraq sərhədinə gəlib çatdığı görünür. Bildirilir ki, çəyirtkə sürüsü gün ərzində 150 km yol qət edir. Hər kvadrat kilometrdə 40-80 milyon çəyirtkə sadəcə 1 gündə 35 min insana kifayət edəcək qidanı yeyir.
Hesabatda çəyirtkələrin təsir edəcəyi ölkələr arasında Keniya, Somali, Efiopiya, Sudan, Eritrə, Səudiyyə Ərəbistanı, Birləşmiş Ərəb Əmirlikləri, Küveyt, İran və Pakistan var. (publika.az)
