Bu gun Astara rayonunun Artupa kənd sakini,Vətən müharibəsinin gizir  şəhidi  İlkin Kazımovun  övladı dünyaya gəlib.Ananın və körpənin vəziyyəti normal qiymətləndirilir.
Astarainfo.az-ın  məlumatına görə, şəhidin vəsiyyətinə əsasən yeni doğulan qız övladına İlkinar adı qoyulub.
Ay -ulduzlu bayrağa bürünən  körpə xəstəxanadan evə buraxılıb,onun gəlişini isə hər kəs xüsusi qarşılayıb.Balaca İlkinarın qarşılanmasında Rayon İcra Hakimiyyəti başçısının müavini Firəngiz Sadıxova da iştirak edib.Bir müddət əvvəl İlkin kazımovun Vətən yolunda  şəhid olması sorağı ilə bu həyətə toplaşan kənd sakinləri isə indi onun ocağında yeni bir nəfəsin hənirtisinə cəm olublar.

 İndi balaca İlkinarın beşiyini rəngarəng oyuncaqlar deyil,igid atasının şəkilləri bəzəyir.Həyatda ona qucaq açacaq atasını görmək nəsib olmasa da,ondan miras qalmış Vətən sevgisi,şücaət onu  daim mətin və qürurlu bir övlad kimi böyüdəcək.İlkinar təkcə İlkinin deyil,  bir Vətənin,bir dövlətin,bir millətin övladıdır.

Bundan başqa, onun üç yaşlı Nazlı adlı qızı da var.

Qeyd edək ki, Agdərə və Tərtər istiqamətində döyüşlərə qatılan kəşfiyyatçı qəhrəman İlkin Kazımov ötən il sentyabrın 28-də  qəhrəmancasına vuruşaraq şəhidlik məqamına ucalıb.

Prezident İlham Əliyevin imzaladığı Sərəncamla İlkin Kazımov  Azərbaycan ərazilərinin işğaldan azad olunması və ərazi bütövlüyünün bərpa edilməsi zamanı döyüş əməliyyatlarında hərbi qulluq vəzifəsini yerinə yetirərkən igidlik və mərdlik nümunəsi göstərərək şəhid olduğuna görə “Vətən uğrunda” medalı ilə təltif edilib.

MƏQALƏLƏRMÜƏLLIF DAHA ÇOX