Yay aylarında insanın iştahası azalır. Yağlı yeməklərin yerini isə salatlar və meyvələr alır. Yay meyvələrinin insan orqanizminə faydalarını isə saymaqla bitməz.
Astarainfo.az Publika.az-a istinadən ən xeyirli yay meyvələrini təqdim edir:
Qarpız: Bu giləmeyvənin tərkibində likopen və antioksidant var. Xüsusilə arıqlamaq istəyənlərə gün ərzində 3-4 dilim qarpız yemək məsləhətlidir. Toxluq hissi verən qarpızın tərkibində su çoxdur, kalorisi isə azdır.
Şaftalı: Onu yeyən insanların bədəndəki zəhərli maddələrin atılması prosesi sürətlənir. Su, mineral duzlar və şəkər baxımından zəngindir. Xüsusilə, qoxulu şaftalı almaq lazımdır.
Ürək ritminin pozulması, qan azlığı zamanı yemək tövsiyə edilir. Şafatlı dərini qidalandırır və hüceyrələrin yenilənməsinə kömək edir. B və C vitamini mənbəyi olan şaftalı, kalsium baxımından zəngindir. Tərkibində A vitamini, kalsium, maqnezium, natrium, dəmir və fosfor mineralları var.
Şaftalı dərini nəmləndirməklə yanaşı ağızda olan pis qoxunu azaldır, qurd xəstəliyini müalicə edir, həzmi asanlaşdırır və sidik yollarını təmizləyir. Həmçinin öd kisəsi və böyrəklərə yaxşı təsir göstərir. Qanı zəhərlərdən təmizləyir, bədənin xəstəliklərə qarşı müqavimətini artırır və sinirləri sakitləşdirərək yuxusuzluq problemini aradan qaldırır.
Alça: Onun tərkibində antioksidant maddəsi çoxdur. Detoks etmək gücü ilə tanınan əhəmiyyətli bir meyvədir. Kalorisi azdır, kökəlmək qorxusu olmadan istədiyiniz qədər yeyə bilərsiniz.
Ərik: O kalium mənbəyi hesab olunur. Tərkibində C vitamini, çox sayda flavonoid, lif və beta-karotin var.
Üzüm: Çox güclü antioksidantlardan ibarət xeyirli yay giləmeyvələrindən biridir. Xüsusilə, qara üzüm faydalıdır.
Çiyələk, albalı, kimi yay meyvələri də sağlamlıq baxımından olduqca faydalı hesab olunur. Ancaq onların kalorisi daha çoxdur. Ancaq buna baxmayaraq, gündə 10 ədəd çiyələk, 20 ədəd albalı yeyə bilərsiniz.
