“WhatsApp” messencerində statuslar rəngli olacaq. İstifadəçilər fonun rəngini və yazının şriftini seçməklə yanaşı, həm də istinadlar əlavə edə biləcəklər. Hələ ki yeni imkan bəzi istifadəçilərdə mövcuddur. Amma tezliklə hamı üçün əlçatan olacaq.

AZƏRTAC xəbər verir ki, “Facebook” ötən ilin sonunda rəngli statusları yoxlamağa başlayıb və o, 2017-ci ilin martında sosial şəbəkənin bütün istifadəçilərinə əlçatan olub. İndi növbə “WhatsApp” messencerinə çatıb.

Rəngli statusların istifadəçilərin əksəriyyəti tərəfindən qıcıqlandırıcı hesab edilməsinə baxmayaraq, “Facebook” yeni funksiyanı öz proqramlarına əlavə etməyə davam edir. Şirkət hesab edir ki, bu, istifadəçilərin cəlb edilməsini artırır.