Avqustun 25-28-də Dağıstanda “Xəzər dostluq dənizidir-2017” düşərgəsində uşaqlar arasında şahmat üzrə komanda turniri keçiriləcək. Yarışlara Azərbaycan və Rusiya idmançıları qatılacaqlar.
Bu barədə beynəlxalq qrossmeyster Cakay Cakayev “Dağıstan” informasiya agentliyinə məlumat verib. İyirmiyə yaxın komandanın yarışacağı turnir Dağıstanın tanınmış ictimai xadimi Maqomed Qamzatovun xatirəsinə həsr olunub. Turnirdə Bakı və Sumqayıtdan, Çeçenistan, Kabarda-Balkar, Şimali Osetiya, Kalmıkiya, Həştərxan, Volqoqraddan 80-dən çox şahmatçı iştirak edəcək.
Qaliblərə Dağıstan Təhsil və Elm Nazirliyinin diplomları, M.Qamzatovun ailəsi adından kubok və medallar təqdim olunacaq.
