“Aprel şəhidi”nin ad günüdür

Bu gün 2016-cı ildə “Aprel döyüşləri” zamanı şəhid olmuş Azərbaycan Silahlı Qüvvələrinin əsgəri Mahmud İbrahimovun doğum günüdür.

Astarainfo.az modern.az-a istinadla bildirir ki, əslən Cəbrayıl rayonundan olan Mahmud İbrahimov 1997-ci ilin 3 sentyabr günündə Abşeron rayonunun Mehdiabad qəsəbəsində anadan olub.

Əsgər Mahmud İbrahimov 2016-cı ilin aprel ayında baş verən qanlı döyüşlər zamanı Tərtər rayonu ərazisində qəhrəmancasına şəhid olub.

2016-cı il aprelin 9-da Mahmud İbrahimov doğulduğu Abşeron rayonunun Mehdiabad qəsəbəsində son mənzilə yola salınıb. Dəfn mərasiminə minlərlə şəhər sakini ilə yanaşı, şəhidin qulluq etdiyi hərbi hissənin əsgərləri və zabitləri də qatılıb.

Mahmud Azər oğlu İbrahimov ölümündən sonra “Hərbi xidmətdə fərqlənməyə görə” III dərəcəli medalı ilə təltif edilib.
Allah rəhmət eləsin…