Sentyabrın 8-dən 10-dək Türkiyənin Ardaşen şəhərində həndbol üzrə turnir keçiriləcək.
Azərbaycan Həndbol Federasiyasından AZƏRTAC-a bildirilib ki, turnirdə dörd komanda iştirak edəcək.
Yarışda Azərbaycanı qadınlardan ibarət “Azərsu” və “Azəryol” klubları təmsil edəcəklər. Türkiyədən isə “Zaqnosspor Trabzon” və “Ardaşen GSK” kollektivləri yarışacaqlar.
Turnir XXV – yubiley Azərbaycan çempionatına hazırlıq məqsədi daşıyır.
Komandalarımız qardaş ölkəyə sabah yola düşəcəklər.
