Beynəlxalq Muğam M
ərkəzində türk sufi-ozanlarının konserti keçirilib.
AZƏRTAC xəbər verir ki, konsertdə Hüseyn Albayrak və Ali Rıza Albayrak tamaşaçılar qarşısında türk musiqisinin əsas qollarından sayılan İrfan musiqisi ilə çıxış ediblər.
İlk olaraq konsertin aparıcısı tamaşaçıları İrfan fəlsəfəsi ilə tanış edib.
Konsertdə Azərbaycan sufi şairlərinin sözlərinə yazılmış mahnılar səsləndirilib. İfa olunan bəstələrin bir çoxu Hüseyn və Ali Rıza Albayrağa məxsus olub.
Konsert aşıq musiqisevərlər tərəfindən maraqla qarşılanıb.
