Bərdə rayonunda ölümlə nəticələnən yol-nəqliyyat hadisəsi baş verib.
“Report”un Qarabağ bürosunun məlumatına görə, hadisə rayonun Bakı küçəsində qeydə alınıb.
Belə ki, şəhərdaxili mikroavtobusla “Mercedes” markalı minik avtomobili toqquşub. İdarəetmədn çıxan “Mercedes” markalı avtomobil yolun kənarında dayanan “VAZ-21011” markalı avtomobilə arxadan çırpılıb.
Həmin vaxt öz maşınının qabağ hissəsində dayanan “VAZ-21011” markalı avtomobilin sürücüsü, Kəlbəcər rayon sakini, 1956-cı il təvəllüdlü Arif Alı oğlu Niftaliyev öz maşının altında qalaraq ağır bədən xəsarətləri alıb.
Yaralı ətrafdakıların köməyi ilə xəstəxanaya çatdırlsa da orada ölüb.
Faktla bağlı araşdərmalara başlanılıb.
