Ötən il Azərbaycanda 158,1 min qadın dünyaya körpə gətirib. Müqayisə üçün deyək ki, 2013-cü ildə 171,5 min, 2014-cü ildə 168,9 min, 2015-ci ildə 164,6 min qadın dünyaya uşaq gətirmək üçün müalicə müəssisələrinə müraciət edib.
AZƏRTAC xəbər verir ki, bu məlumatlar Dövlət Statistika Komitəsinin nəşr etdiyi məlumat kitabında dərc edilib.
Keçən il ərzində 34,6 min qadın abort üçün ginekoloqlara üz tutub. İl ərzində 10,5 min qadın mini abort, 60 nəfər dərman vasitəsilə dünyaya övlad gətirməkdən imtina edib.
