Sakit okeanda, Vanuatu sahillərində 6,5 bal gücündə zəlzələ olub.
“Report” TASS-a istinadən xəbər verir ki, bu barədə ABŞ-ın Geologiya Xidməti məlumat yayıb.
Məlumata görə, zəlzələnin episentri Espiratu-Santo adasındakı Luqanvil şəhərindən 414 kilometr cənubda. Zəlzələ ocağı 196 kilometr dərinlikdə olub.
Hələlik tələfat və dağıntı, sunami təhlükəsi barəsində məlumat daxil olmayıb.