Azərbaycan Premyer Liqasında 7-ci turun oyunlarına start verilib.
Trend-in məlumatına görə, günün ilk oyununda “Neftçi” “İnter”in qonağı olub.
Matçın ilk hissəsində komandalar qolsuz bərabərə qalıb. Lakin ikinci hissədə “neftçilər” təşəbbüsü ələ alıblar. Belə ki, əvvəlcə 60-cı dəqiqədə Derlis Meza Kolli hesabı açıb. 72-ci dəqiqədə isə Rəhman Hacıyev fərqi artırıb.
“İnter” futbolçuları matçın gedişinə təsir edə bilməyincə, oyun elə bu hesabla başa çatıb – 0:2.
Beləliklə, “Neftçi” cari mövsümdə ilk qələbəsini qazanıb.
