Alimlər üçün poliklinikanın yaradılması məqsədilə hazırda Səhiyyə Nazirliyi ilə danışıqlar aparılır.
Trend-in məlumatına görə, bunu Azərbaycan Milli Elmlər Akademiyasının (AMEA) prezidenti Akif Əlizadə bildirib.
O qeyd edib ki, alimlər üçün poliklinikanın yaradılması vacib məsələlərdən biridir: “Səhiyyə Nazirliyi bu layihəni dəstəkləyir. Poliklinika üçün ərazinin tapılması məsələsi qalıb. Biz istəyirik ki, poliklinika binanın birinci mərtəbəsində olsun, orada bir neçə tibbi kabinetlər olsun. Güman edirəm ki, bu məsələ də yaxın zamanlarda həllini tapacaq”.
A.Əlizadə deyib ki, poliklinikanın hər hansı binada yaradılacağı, yaxud ayrıca bina tikiləcəyi nazirlikdən asılıdır.
