1995-ci ildə “Qızıl top”un sahibi olan Liberiyanın məşhur futbolisti Corc Vea ölkə prezidenti seçilib.
FaktXeber.com-un məlumatına görə, dünən Liberiyada prezident seçkiləri keçirilib və Vea cari vitse-prezident Cozef Bokayanı geridə qoyub.
Futbol ulduzu dövlət başçısı kimi 2011-ci ildə Nobel mükafatı laureatı olan Conson Serlifi əvəz edəcək. Qeyd edək ki, Conson Serlif 2 dəfə 6 illik müddətə bu vəzifəni icra edib.
Öz dövründə Avropanın aparıcı klubları olan “Monako”, “Pari Sen-Jermen”, “Marselğ”, “Çelsi”, “Mançester Siti”, “Milan”da oynaya Vea, yığması heç bir zaman Dünya Çempionatında olmayan yeganə “Qızıl top” sahibidir.
Liberiyalı ulduz 3 dəfə Afrikanın ən yaxşı futbolçusu seçilib. Bundan başqa, o, 1995-ci ildə dünyanın ən yaxşı oyunçusu seçilib.
Vea 2003-cü ildə idman karyerasını başa vurduqdan sonra humanitar və siyasi fəaliyyətlə məşğul olub.
