Tbilisidə Kindzmarauli küçəsindəki qazdoldurma stansiyasında partlayış baş verib.
APA-nın yerli bürosunun məlumatına görə, partlayış yanğına səbəb olub və nəticədə 3 nəfər xəarət alıb. Xəsarət alan şəxslər xəstəxanaya çatdırılıb. Onlardan birinin vəziyyətinin ağır olduğu bildirilir.
Yanğınsöndürmə və təcili tibbi yardım briqadaları hadisə yerinə cəlb olunub. Yanğının qarşısı artıq alınıb.
