Dyuk Universiteti (ABŞ) alimləri araşdırmalar zamanı aşkar ediblər ki, hamiləlik dövründə yüksək hərarət döldə inkişaf qüsurlarının riskini artırır.
Hərarətin səbəbi rol oynamır.
Astarainfo.az saglamolun.az-a istinadən bildirir ki, ürək, üz, çənənin formalaşmasında iştirak edən hüceyrələr bədənin yüksək hərarətinə qarşı daha həssasdır. Bu səbəbdən hamilə qadında 3-cü-8-ci həftələr arasında hərarətin istənilən səbəbə görə yüksəlməsi uşaqda qüsurların inkişafına gətirib çıxarda bilər.
 The Daily Mail xəbər verir ki, alimlər toyuq embrionları üzərində esperimentlər aparıb və sübut ediblər ki, hərarətin artması embrionlarda kəllə, üz-çənə və ürək qüsurlarına səbəb olur. Defektin növü hərarətin yüksəlməsi zamanı hansı orqanın inkişaf etdiyindən asılıdır.
İnsanlarda da buna oxşar proseslər gedir. Mütəxəssislər hamiləlik zamanı hərarəti tez bir zamanda salmağı tövsiyə edirlər. Bunun üçün hamilə qadınlarda adətən parasetamol istifadə olunur.

MƏQALƏLƏRMÜƏLLIF DAHA ÇOX