“Poçtap” sistemi ilə itmiş sənədləri tapmaq və ya tapılan sənədləri sahibinə qaytarmaq mümkündür.
Həmin xidmət bu ilin martında Bakı şəhər Baş Polis İdarəsi, “Bakı Metropoliteni” QSC, “Təmiz Şəhər” ASC, “BakuBus” MMC və “Azərpoçt” MMC ilə birgə işə salınıb.
İtirilmiş hansısa sənədi itirəndə 169 Çağrı mərkəzinə müraciət etmə, bundan başqa “poçhtap.az” saytına daxil olub “sənədimi itirmişəm” bölməsində müvafiq xanalara zəruri məlumatları daxil edərək itirilən sənəd barədə elan da yerləşdirmək olar.
Həmin saytdan itirilən sənəd barədə məlumat əldə edə bilmədikdə çağrı mərkəzinə zəng vurmaq, yaxınlıqda yerləşən poçt filialları, şöbələri və şəbəkə xidmətlərinə sorğu verməklə sənədin tapılıb-tapılmadığı barədə öyrənmək olar. Yeni yaradılmış xidmət vasitəsilə sənədi tapılan şəxs 1 manat 80 qəpik ödəməklə sənədini təhvil ala bilər.
Tapılan sənədlər poçt şöbə və filiallarında 30 gün saxlanılır. Həmin müddətdən sonra sənədlər aidiyyətı üzrə-diplom Təhsil Nazirliyinə, şəxsiyyət vəsiqəsi daxili işlər orqanlarına və s.– təhvil verilir.
Martın 2-dən bəri poçtap sistemində 481 itmiş sənə qeydə alınıb, onlardan 157-si sahibinə çatdırılıb, 311 sənəd isə aid olduğu quruma göndərilib. Hazırda poçt şöbə və filiallarında sahibini gözləyən 13 sənəd var.

MƏQALƏLƏRMÜƏLLIF DAHA ÇOX