Astarainfo.az xəbər verir ki, oktyabrın 31 Astara Həydər Əliyev Mərkəzində “Gənclər siyasəti haqqında” Azərbaycan Respublikası Qanununun, “2015-2025-ci illərdə Azərbaycan gənclərinin İnkişaf Strategiyasının və “Azərbaycan gəncliyi 2017-2021-ci illərdə” Dövlət Proqramının müvafiq bəndlərinə əsasən Astara rayon Gənclər və İdman İdarəsinin təşkilatçılığı ilə “Xəmsə” Milli İntellektual Oyunu üzrə yeniyetmələr arasında V Azərbaycan çempionatının rayon seçim turu keçirilmişdir.
Astara rayon Gənclər və İdman İdarəsinin baş məsləhətçisi Elnur Qurbanlı seçim turunu açıq elan edərək iştirakçıları salamlamış, çempionatın əsas məqsədinin yeniyetmələrin intellektual səviyyəsini, dünya görüşünü, zehni inkişafını stimullaşdırmaq, onlar arasında bilik və elmin nüfuzunu artırmaq, eləcə də asudə vaxtarlarının səmərəli təşkili istiqamətində yeni üsullar tətbiq etməkdən ibarət olduğunu bildirmişdir.
Sonra çıxış edən Mərkəzin əməkdaşı Elza Kazımova bu kimi tədbirlərin məhz Heydər Əliyev Mərkəzində keçirilməsindən məmnun olduqlarını bildirmiş və iştirakçılara uğurlar arzulamışdır.
Daha sonra yarışın aparıcıları, “Lənkəran” Klubunun sədri Famil Məmmədov və sədr müavini Zamin Ağazadə oyunun qaydaları haqqında iştiraçıları məlumatlandırmış və yarışa start verilmişdir.
Seçim turunda “Azəri-Light” ( Astara şəhər 1 saylı tam orta məktəb), “Ümid” ( Astara şəhər 2 saylı tam orta məktəb), “Everest” (Astara şəhər 3 saylı tam orta məktəb), “N4” (Astara şəhər 4 saylı tam orta məktəb), “Qalaktika” (Astara şəhər 5 saylı tam orta məktəb), “Müstəqillik”(Astara şəhər 6 saylı tam orta məktəb), “APK” (Astara Pedaqoji Kolleci), “Zirvə” (Suparibağ kənd tam orta məktəb), “Vita” (Təngərüd kənd tam orta məktəb), “Penta” (Pensər kənd 2 saylı tam orta məktəb), “Zəka” (Vaqo kənd tam orta məktəb), “13-lər: Məxfi kod” (Kakolos kənd tam orta məktəb) və “Xəzər” (Şahağacı 1 saylı kənd tam orta məktəb) komandaları mübarizə aparmışlar.
Qrup oyunlarında sonra “Azəri-Light”, “Vita”, “Ümid” və “Zəka” komandaları finalda əzmkar mübarizəni davam etdirmişlər. Sonda xəmsə raundunun göstəricilərindən sonra I, II və III yerlərə müvafiq olaraq “Vita”, “Azəri-Light” və “Ümid” komandaları layiq görülmüşlər.
Qaliblər Rayon Gənclər və İdman İdarəsinin diplomları ilə təltif olunmuşlar.
