Bu gün Çempionlar Liqasında IV tura start veriləcək.
Astarainfo.az Apasport.az saytına istinadən məlumat verir ki, Azərbaycan çempionu “Qarabağ” IV turun ilk oyun günündə meydana çıxacaq. Ağdam təmsilçisi səfərdə “Atletiko” ilə görüşəcək. İki həftə öncə Bakıda keçirilən görüşdə gözlənilmədən xal itirən Dieqo Simeonenin yetirmələri Çempionlar Liqasında mübarizəni davam etdirmək şanslarını minimuma salmamaq üçün qalib gəlməlidir. Qarabağ” isə 1/8 final şanslarını itirmək təhlükəsi ilə üz-üzə qalib. Çünki çempionumuz Madriddən xalsız dönsə, “Roma” öz meydanında “Çelsi”ni məğlub etsə, ağdamlıların qitənin ən nüfuzlu klub turniri ilə vidalaşması rəsmiləşəcək.
A qrupunda “Mançester Yunayted” və “Bazel” minimum vəzifənin öhdəsindən gələ bilər. Hər iki komanda 1/8 finala vəsiqəni qazanmaq üçün həm özü uğur qazanmalı, həm də liderlik uğrundakı rəqibinin xal əldə etməsini arzulamalıdır. B və D qruplarında da eyni vəziyyət hökm sürür. PSJ və “Bavariya” bir, “Barselona” ilə “Yuventus” digər qrupdan 1/8 finala yüksəlmək imkanına malikdir. Azərbaycan çempionu “Qarabağ”ın çıxış etdiyi C qrupunda isə yalnız bir komanda buna nail ola bilər. Özü də “Çelsi”nin mərhələ keçməsi digər oyundan deyil, özündən asıldı. Qələbə londonluları 1/8 finala daşıyacaq. Bu isə o deməkdi ki, sabah 7 komandanın qrupdan çıxması rəsmiləşməsi mümkündür.
Çempionlar Liqası
Qrup mərhələsi, IV tur
31 oktyabr
A qrupu
23:45. “Mançester Yunayted” (İngiltərə) – “Benfika” (Portuqaliya)
23:45. “Bazel” (İsveçrə) – MOİK (Rusiya)
B qrupu
23:45. PSJ (Fransa) – “Anderlext” (Belçika)
23:45. “Seltik” (Şotlandiya) – “Bavariya” (Almaniya)
C qrupu
23:45. “Atletiko” (İspaniya) – “Qarabağ” (Azərbaycan)
23:45. “Roma” (İtaliya) – “Çelsi” (İngiltərə)
D qrupu
23:45. “Sportinq” (Portuqaliya) – “Yuventus” (İtaliya)
23:45. “Olimpiakos” (Yunanıstan) – “Barselona” (İspaniya)
