Türkiyənin Baş naziri ABŞ-a səfər edəcək

Türkiyənin Baş naziri Binəli Yıldırım noyabrın 7-də ABŞ-a səfər edəcək.

AZƏRTAC Anadolu agentliyinə istinadla xəbər verir ki, noyabrın 10-dək davam edəcək səfər çərçivəsində Binəli Yıldırım ABŞ-ın vitse-prezidenti Maykl Pens ilə görüşəcək. Görüşdə terrorizmə qarşı mübarizə, qarşılıqlı siyasi, iqtisadi, hərbi əlaqələr, miqrant böhranı, iki ölkə arasındakı viza probleminin həll edilməsi məsələləri müzakirə olunacaq.

Türkiyənin Baş naziri, həmçinin Vaşinqtonda və Nyu-Yorkda türkdilli xalqların, eləcə də müsəlman və yəhudi icmalarının təmsilçiləri, media qurumları, sərmayəçilər və iş adamları ilə də bir sıra görüşlər keçirəcək.