Astarainfo.az xəbər verir ki, noyabrın 3-də Astara Olimpiya İdman Kompleksində Astara rayon Gənclər və İdman İdarəsinin və Uşaq Gənclər Futbol Federasiyasının birgə təşkilatçılığı ilə “Açıq əyləncəli uşaq məktəbləri” layihəsi çərçivəsində 2005-2009-cu il təvəllüdlü uşaqların iştirakı ilə Astara Açıq Uşaq Əyləncəli Futbol Festifalı keçirilmişdir.
Tədbirin açılış mərasimində çıxış edən Rayon Gənclər və İdman İdarəsinin rəisi Ərçə Əliyev, Beynəlxalq Uşaq Əyləncəli Futbol Məktəbinin Azərbaycan üzrə nümayəndəsi, Uşaq Gənclər Futbol Federasiyasının baş katibi Kərim Ağayev, Astara şəhər 2 saylı tam orta məktəbin fiziki tərbiyə müəllimi, Fəxri Bədən Tərbiyəsi və İdman İşçisi Afət Əkbərov həm yarışma, həm də əyləncəli xarakter daşıyan tədbirin önəmini vurğulamış və təbirin keçirilmə məqsədlərindən biri də rayonda futbol idman növünü təbliğ etmək olduğunu bildirmişlər..
Tədbirdə Astara Uşaq Gənclər İdman-Şahmat məktəbi və ümumtəhsil məktəblərindən ümumi hesabla 100-ə yaxın uşaq iştirak etmişdir.Tədbirin sonunda iştirakçılara idman geyimləri hədiyyə olunmuşdur.
Elnur Qurbanlı
Astarainfo.az
