Evlənmək ərəfəsində olan gənclər tibbi yoxlanışdan keçməlidirlər. Təkcə 2017-ci ildə 116 min 435 nəfər gənc tibbi yoxlanışdan keçib. Onların 13 min 464-nün talassemiya daşıyıcısı olduğu aşkarlanıb. Tibbi yoxlanışdan keçən 10 cütlük isə ailə qurmaqdan imtina edib.

2017-ci ildə ailə həyatı qurmağa hazırlaşan 116 min 435 nəfər gəncin nikahdan əvvəl tibbi müayinəsi aparılıb. Onların 13 min 464-nün talassemiya daşıyıcısı olduğu aşkarlanıb. Bunu Elmi-Tədqiqat Hematologiya və Transfuziologiya İnstitutunun talassemiya-profilaktika şöbəsinin müdiri Aysel Mikayılzadə deyib.

Ümumilikdə isə bu günə qədər 344729 cütlük müayinədən keçib. Talassemiya aşkarlanan 10 cütlük isə nikaha girməkdən imtina edib.

İnstitutdan onu da bildiriblər ki, müayinələr nəticəsində virus aşkar edildiyi təqdirdə cütlüklərlə söhbət aparılır və gələcəkdə onların övladlarının da həmin xəstəlikdən əziyyət çəkə biləcəyi barədə xəbərdarlıq edilir. Bundan sonra iəs seçim etmək və qərar qəbul etmək gənclərin öz üzərinə düşür. Xezerxeber