Böyük Britaniyada təyyarə ilə helikopter toqquşub, ölənlər var – YENİLƏNİB

Böyük Britaniyada təyyarə və helikopterin toqquşması nəticəsində 3 nəfər ölüb.

APA-nın “RT”-yə istinadən verdiyi xəbərə görə, ilkin məlumata əsasən, qəza zamanı təyyarənin pilotu və helikopterdə olan 2 nəfər həyatını itirib.

Digər təfərrüatlar barədə hələ ki, məlumat verilmir.

***

22:50

Böyük Britaniyanın Eylsberi şəhəri yaxınlığında yüngülmotorlu təyyarə ilə helikopter toqquşub.

APA-nın xəbərinə görə, bu barədə “The Guardian” məlumat verib.

Hadisə yerinə polis və təcili tibbi yardım briqadaları cəlb edilib.

Ölən və yaralananlar barədə hələ ki, məlumat verilmir. Qəzanın səbəbləri müəyyənləşdirilir.