Milli Məclisin bu gün keçirilən plenar iclasında “Azərbaycan Respublikasında 2018-ci il üçün yaşayış minimumu haqqında” qanun layihəsi müzakirə edilib.

  Qanun layihəsi barədə məlumat verən Milli Məclisin İqtisadi siyasət, sənaye və sahibkarlıq komitəsinin sədri Ziyad Səmədzadə bildirib ki, 2018-ci il üçün yaşayış minimumunun ölkə üzrə 173 manat, əmək qabiliyyətli əhali üçün 183 manat, pensiyaçılar üçün 144 manat, uşaqlar üçün 154 manat müəyyən edilib.

Onun sözlərinə görə, gələn il üçün yaşayış minimumu bu ilin təsdiq olunmuş göstəricisindən 11% çoxdur:

“Ölkənin imkanları artdıqca, ölkədə yaşayış minimumu artırılır”, – deyə Z.Səmədzadə vurğulayıb.Publika.az