Salvadorlu boksçu Fransisko Ruis Peşəkar Boks Federasiyasının təşkil etdiyi titul uğrunda döyüşdə aldığı zərbədən dünyasını dəyişib.
Astarainfo.az publika.az-a istinadən xəbər verir ki, noyabrın 18-də baş tutan qarşılaşma zamanı Rikardo Kortesin vurduğu zərbədən sonra nakauta düşən Ruisin başı yerə çırpılıb.
Boksçu dərhal xəstəxanaya aparılıb və beyin əməliyyatı keçirilib. Bundan sonra o, komaya düşüb. Beyin ölümü keçirdiyi üçün ailəsi onu süni nəfəs aparatından ayırmağa qərar verib.
