Azərbaycanda bankların “Elektron icra” sisteminə inteqrasiya olunaraq qarşılıqlı məlumat mübadiləsinin həyata keçirilməsi məhkəmə qərarlarının daha da çevik icrasına, kredit borcu olan şəxsin mövcud hesabları barədə məlumatın tez zamanda əldə olunmasına, həmçinin iş üzrə tələbkar kimi həmin bankların tərəf olduqları işlər barədə məlumatları elektron formada əldə etməsinə xidmət edəcək”.
Bunu Ədliyyə Nazirliyiİcra baş idarəsinin məsləhətçisi Tural Məmmədov deyib.
T.Məmmədov qeyd edib ki, borclu fiziki və hüquqi şəxslərin mülkiyyətində olan nəqliyyat vasitələri, daşınmaz əmlaklar, borcluların məcburi dövlət sosial sığortası üzrə fərdi uçot sistemində “sığortaolunan”, pensiyaçı olub-olmaması, sosial müavinət və ünvanlı dövlət sosial yardımı alıb-almaması barədə habelə, borclu hüquqi şəxslərin “sığortaedən” qismində apardığı ödənişlər, mobil və şəhər telefon nömrələri barədə məlumatların sistem vasitəsilə əldə edilməsi üçün aidiyyəti qurumlara rəsmi müraciət olunub, qarşılıqlı görüşlər keçirilib və müsbət nəticələr əldə olunub: “Hazırda bununla bağlı işlər davam etdirilir. İcra məmurları proqram təminatında tətbiq edilmiş məhdudiyyət əsasında yalnız borclu fiziki və hüquqi şəxslər barədə bu məlumatları əldə edə biləcək. İnteqrasiya nəticəsində “SMS” vasitəsilə sistemdə borclu fiziki şəxslərin mobil nömrəsinə məhkəmə qərarı üzrə könüllü icra barədə bildirişin elektron göndərilməsi, eyni zamanda tərəflərə icraatın başlanılması barədə məlumatların verilməsi nəzərdə tutulub”.
Baş məsləhətçi əlavə edib ki, Ədliyyə Nazirliyi yanında Azərbaycan Respublikası əhalisinin dövlət reyestri xidmətindən fiziki şəxslərin Fərdi İdentifikasiya Nömrəsinə görə şəxsiyyət vəsiqəsi üzrə məlumatlar “Elektron icra” sisteminə tam şəkildə inteqrasiya olunub və hazırda bütün icra qurumları tərəfindən istifadə edilir: “Bu, məsələn kredit borcu olan şəxs barədə fərdi məlumatların, o cümlədən ümumi mülkiyyətdə olan əmlakının yoxlanılması məqsədi İlə ailə tərkibi barədə məlumatları tez bir zamanda əldə olunmasına kömək edir. Bu da icra məmurlarına borcluların o cümlədən kredit borcu olan şəxslər barədə qeyd etdiyim məlumatların operativ əldə olunmasına və icranın səmərəliliyinin artırılmasına, vaxta qənaət olunmasına xidmət edəcək. Vergilər Nazirliyindən vergi ödəyicisi olan fiziki və hüquqi şəxslər barədə məlumatların sistem vasitəsilə əldə edilir. Hazırda məlumatların tam ineqrasiyası üçün Ədliyyə Nazirliyi ilə Vergilər Nazirliyi arasında razılaşma əldə olunub”.Xezerxeber.az

MƏQALƏLƏRMÜƏLLIF DAHA ÇOX