Astarainfo.az xəbər verir ki, dekabrın 16-17-si tarixlərdə Bakı şəhərində Boks üzrə Dövlət Gömrük Xidməti Klubları arasında turnir keçirilmişdir.
Bu turnirdə “Cənub” İdman Klubunun “Cənub-Astara” filialının direktoru, komandanın məşqçisi Elnur Bəşirovun yetirmələri də iştirak etmiş və layiqli qələbə qazanmışlar. Belə ki, 9 yaş qrupunda 24 kq çəki dərəcəsində Qafarov Gülağa II yer, 11 yaş qrupunda 34 kq çəki dərəcəsində Bəşirov Tale I yer, 44 kq çəki dərəcəsində Əliyev Vaqif II yer, 12 yaş qrupunda 28 kq çəki dərəcəsində Mirzəzadə Raman I yer, 32 kq çəki dərəcəsində Əliyev Əli I yer, 34 kq çəki dərəcəsində Əliyev Nurlan I yerlərə layiq görülmüşlər.
Qeyd edək ki, məşqçi müəllim Bəşirov Elnur boks sahəsindəki fəaliyyətinə görə “Cənub” İdman Klubunun Fəxri Fərmanı ilə təltif olunmuşdur.
Elnur Bəşirov və yetirmələrini bu qələbəyə görə təbrik edir, onlara uğurlar arzulayırıq.
