İstedad sonradan qazanılmır, insanın özü ilə doğulur.  Elə uşaqlar olur ki, zamanında bu istedadı inkişaf etdirə bilmir, istedad onun daxilində, ürəyinin bir küncündə qalır. O bilir ki, içində doğulan, lakin ayaq tutub yerimək səadətini yaşamayan bir aləm yatır. Bəzi hallarda valideynlərin, müəllimlərin onlara qayğı göstərməməsi səbəbindən istedad cilalanıb üzə çıxa bilmir.
Ancaq bununla bərabər kifayət qədər istedadı tamamlanan, ifadə olunan uşaqlar da var və bu uşaqların aləmi bizləri özünə cəlb edir. Azərbaycan tarixən istedadlar diyarıdır. İstedadlı uşaqlar həm ailələr, cəmiyyət, təhsil müəssisələri, həm də dövlətimiz tərəfindən lazımi səviyyədə qayğı ilə əhatə olunur.
Rayonumuzun xüsusi istedada malik gənclərini, uşaqlarını və onların  yaradıcılıq potensialını üzə çıxarmaq, tanıtmaq və gələcək karyerasında uğur qazanmaq məqsədilə “Astara” qəzeti redaksiyası müsabiqə elan edir.  Müsabiqədə qalib olan şəxslər mükafatlandırılacaq, qəzetimiz və saytımız (astarainfo.az) vasitəsilə işıqlandırılacaq.
Müsabiqəyə sənədlərin qəbulu 2018-ci ilin fevral ayının 1-dən aprel ayının 1-dək hər gün – bazar və bayram günləri istisna olmaqla, saat 10-dan 17-dək qəbul olunur.
Müsabiqədə iştirak etmək istəyən şəxslər: “Astara” qəzeti redaksiyasına (Azərbaycan küçəsi 15) müraciət edə bilərlər.
 Ətraflı məlumat üçün aşağıdakı nömrələrlə əlaqə saxlaya və yaxud e-mail adresimizə yaza bilərsiniz.

Tel: 225-39-14

Tel: (055)641-67-81 

E-mail: astaraqezeti@mail.ru

 Hörmətlə: “Astara” qəzetinin baş redaktoru Fəridə Söhrabqızı

 Astarainfo.az

MƏQALƏLƏRMÜƏLLIF DAHA ÇOX