Astara Olimpiya İdman Kompleksində Astara rayon Gənclər və İdman İdarəsinin təşkilatçılığı ilə rayon İcra Hakimiyyəti, Gənclər və İdman İdarəsi, Təhsil Şöbəsi və Olimpiya İdman Kompleksinin birgə təsdiq etdikləri əsasnaməyə uyğun olaraq 5 Mart Bədən tərbiyəsi və idman gününün qeyd edilməsi, Bədən   tərbiyəsi    və    idman    haqqında    Azərbaycan   Respublikası   Qanununun müvafiq maddələrinin həyata keçirilməsi, rayonda   kütləvi   bədən  tərbiyəsi və idmanın inkişaf etdirilməsi, yeniyetmə və gənclərə sağlam həyat tərzinin aşılanması məqsədi ilə  məktəbli yeniyetmələr arasında voleybol üzrə rayon birinciliyi keçirilmişdir.
Astara şəhər 1, 2, 3, 6 saylı, Suparibağ, Şağlazüzə kənd tam orta məktəblərinin komandaları arasında uduzub-çıxma sistemi ilə keçirilən oyunların sonunda  Astara şəhər 2 saylı və Şağlazüzə kənd tam orta məktəbinin komandaları birincilik uğrunda finalda çox gərgin mübarizə aparmışlar. Yarışın sonunda Şağlazüzə kənd tam orta məktəbinin komandası I, Şəhər 2 saylı tam orta məktəbin komandası isə II yeri qazanmışlar.
Qaliblər Rayon Gənclər və İdman İdarəsinin diplomları ilə mükafatlandırılmışlar.

Elnur Qurbanlı

Astarainfo.az