Azərbaycan meyvə-tərəvəz ixracını 22% artırıb

Bu ilin yanvar-aprel ayları ərzində Azərbaycan 111 mln. 131,18 min ABŞ dolları dəyərində 104 min 311,18 ton meyvə-tərəvəz ixrac edib.
Dövlət Gömrük Komitəsinin xarici ticarətin gömrük statistikasının aylıq hesabatına istinadən məlumat verib.
Məlumata görə, bu, həcm baxımından 2017-ci ilin 4 ayı ilə müqayisədə 19 min 575,07 ton və ya 21,67% çoxdur. Məbləğ baxımından isə illik nisbətdə 23 mln. 840,24 min dollar və ya 27,31% çoxdur.
Xatırladaq ki, 2017-ci ilin yanvar-aprel aylarında Azərbaycan xarici ölkələrə 87 mln. 290,94 min dollar dəyərində 85 min 736,11 ton meyvə-tərəvəz ixrac edilib.
Qeyd edək ki, 2018-ci ilin yanvar-aprel aylarında meyvə-tərəvəzin ixracı Azərbaycanın ümumi ixracının 1,97%-ni təşkil edib.apa