Astara Uşaq Gənclər İdman–Şahmat Məktəbində (UGİŞM) şahmat üzrə Azərbaycan çempionatının seçmə yarışlarına start verilib.
Yarışın açılış mərasimində çıxış edən Astara Rayon Gənclər və İdman İdarəsinin rəis müavini İqrar Cəfərov, UGİŞM-nin direktoru, şahmat üzrə beynəlxalq dərəcəli hakim, yarışların baş hakimi Azər İbrahimov ölkəmizdə bədən tərbiyəsi və idmanın inkişafı, onun maddi-texniki bazasının möhkəmləndirilməsi istiqamətində görülən işlərdən, idmançılarımızın beynəlxalq yarışlarda qazandıqları uğurlardan danışaraq şahmatçılara qələbə sevincləri arzulayıblar.
Sonra 15 şəhər və rayonu təmsil edən 29 kişi və 6 qadın şahmatçı qələbə uğrunda mübarizəyə qoşulub.
Ölkə birinciliyinin seçmə yarışında kişilər İsveçrə, qadınlar isə dairəvi sistem üzrə mübarizə aparırlar.
Kişilər arasında 3, qadınlar arasında 1 nəfər ən yaxşı nəticə göstərən şahmatçı 2019-cu ildə keçirilməsi nəzərdə tutulan yarışların final mərhələsinə vəsiqə qazanacaq.
Rayon icra hakimiyyətinin başçısı Qəzənfər Ağayev Kakalos kənd inzibati ərazi dairəsi üzrə nümayəndəliyinin Kolatan kəndində səyyar qəbul və görüş keçirtmişdir. Görüşdə rayonun idarə, müəssisə...