Bu gün “Qarabağ” klubu UEFA Avropa Liqasının qrup mərhələsində növbəti oyununu keçirəcək.
Qurban Qurbanovun rəhbərlik etdiyi kollektiv IV turda səfərdə Ukrayna təmsilçisi “Vorskla” ilə qarşılaşacaq.
Cari mövsümdə E qrupunda yer alan Ağdam təmsilçisi hər üç oyunda məğlub olub. “Köhlən atlar” səfərdə “Sportinq”ə 0:2, Bakıda “Arsenal”a 0:3, “Vorskla”ya isə 0:1 hesabı ilə uduzub.
Son oyunda “Qarabağ”ı məğlub edən Poltava təmsilçisi isə səfərdə “Arsenal”a 2:4, evdə isə “Sportinq”ə 1:2 hesabı ilə məğlub olub. Ağdam klubu bu görüşdə rəqibinə məğlub olsa, növbəti mərhələ şansını itirəcək və son iki tur komanda üçün formal xarakter daşıyacaq.
“Vorskla” Ukrayna çempionatının sonuncu turunda səfərdə “Lvov”u 2:0 hesabı ilə məğlub edib. “Qarabağ” isə “Sumqayıt”ı eyni hesabla üstələyib.
Avropa Liqası
Qrup mərhələsi, IV tur
E qrupu
00:00. “Vorskla” (Ukrayna) – “Qarabağ” (Azərbaycan)
Baş hakim: Sandro Şörer
Yan xətt hakimləri: Bekim Zoqay, Ştefan De Almeyda
Dördüncü hakim: Raffael Tseder
Əlavə köməkçi hakimlər: Alen Byeri və Lukas Fandrix (hamısı İsveçrə)
Hakim-inspektor Edqar Ştaynborn (Almaniya)
UEFA nümayəndəsi: Klaus Kristensen (Danimarka)
Aleksey Butovski adına stadion