Astara rayon Heydər Əliyev Mərkəzində10 May Azərbaycan xalqının Ümummili Lideri Heydər Əliyevin anadan olmasının 97 illiyinə həsr olunmuş “Heydər Əliyev azərbaycançılıq ideyasını həyata keçirmiş bir dövlət xadimi olaraq Azərbaycan tarixində yaşayır” mövzusunda onlayn konfrans keçirilib.
Konfransa Astara şəhər 1 saylı, 2 saylı və 3 saylı tam orta məktəblərinin müəllim və şagirdləri qoşulublar.
Tədbiri giriş sözü ilə Astara rayon Heydər Əliyev Mərkəzinin direktoru Kübra Səmədova açıb, Ulu Öndər Heydər Əliyevin xatirəsi bir dəqiqəlik sükutla yad edilib və Azərbaycan Respublikasının Dövlət Himni səsləndirilib. Sonra “Ümümmilli Lider Heydər Əliyev” adlı film nümayiş olunub.
Tədbirdə Astara rayon Heydər Əliyev Mərkəzinin fondunun baş mühafizi Elza Kazımova mövzu ilə bağlı geniş məruzə edib. Bildirib ki, Azərbaycanın ən yeni tarixinin bütöv bir dövrü Ümummili Liderimiz Heydər Əliyevin şərəfli adı və möhtəşəm fəaliyyəti ilə bilavasitə bağlıdır. Ulu Öndərin 35 illik rəhbərliyi dövründə respublikamız əsrlərə bərabər inkşaf yolu keşmişdir.
Ümummilli Liderin müstəqilliyin möhkəmlənməsinə yönələn siyasəti bu gün də uğurla həyata keçirilir. Ötən illərdə sosial – iqtisadi, eləcə də humanitar sahələrdə əldə edilmiş nailiyyətlər Azərbaycanın müstəqil dövlət kimi gücünü nümayiş etdirir.
Ulu Öndər Heydər Əliyev tərəfindən qorunub saxlanılan müstəqilliyi-miz bu gün Azərbaycan Respublikasının Prezidenti İlham Əliyev cənabları-nın rəhbərliyi ilə daha da möhkəmləndirilir və inkşaf etdirilir. Bütün bunlar bir daha deməyə əsas verir ki, Azərbaycanın müstəqilliyi əbədidir, dönməz-dir və dövlətçiliyin möhkəmlənməsinə, iqtisadiyyatın inkişafına, milli-mənəvi dəyərlərin qorunub saxlanmasına bundan sonra da xüsusi diqqət yetirilə-cək, xalqımız yeni-yeni müvəffəqiyyətlərə, uğurlara nail olacağını vurğulayıb.
Tədbirdə Lənkəran Regional Mədəniyyət İdarəsinin baş məsləhətçisi və Astara rayonu üzrə nümayəndəsi Şadoğlan Bayramov, Astara rayon Təhsil şöbəsinin yanında metod kabinetin direktoru Emin Fətəliyev, Astara şəhər 1 saylı məktəbin direktoru Xədicə Əliyeva, Astara qəzetinin baş redaktoru Əfsun Ələskərli, şəhər 1 saylı məktəbin şagirdi Vəfa Hüseynzadə, şəhər 2 saylı məktəbin şagirdi Məhəbbət Məmmədzadə, şəhər 3 saylı məktəbin şagirdi Fəridə Muradova çıxış ediblər.
