Astara Rayon Gənclər və İdman İdarəsi, Astara Rayon Dövlət Rəsm Qalereyasının birgə təşkilatçılığı ilə ümummilli lider Heydər Əliyevin anadan olmasının 97-ci ildönümünə həsr olunmuş “Gündən-günə çiçəklənən Azərbaycan” mövzusunda yeniyetmə və gənclər arasında keçirilən onlayn rəsm müsabiqəsinə yekun vurulub.
- Paragraph
- Image
- Custom HTML
- Gallery
Astarainfo.az verir ki, on gün davam edən onlayn müsabiqədə rayonun ümumtəhsil məktəblərini və Astara Rayon Dövlət Rəsm Qalereyasını təmsil edən 24 yeniyetmə və gəncin çəkdiyi rəsmlər münsiflər heyəti tərəfindən qiymətləndirilib.
Onlayn müsabiqədə Kijəbə qəsəbə tam orta məktəbinin XI sinif şagirdi İlahə Ağacanova birinci, Astara şəhər 6 nömrəli tam orta məktəbinin X sinif şagirdi Fatimə Babazadə ikinci, şəhər 2 nömrəli tam orta məktəbinin XI sinif şagirdi Aysun Hüseynzadə üçüncü yerləri tutublar.
Fəxri yerləri tutan və fərqlənən yeniyetmə və gənclər Rayon Gənclər və İdman İdarəsinin diplomlarına layiq görülüblər.
Mükafatlandırma mərasimi ölkəmizdə xüsusi karantin rejimi başa çatdıqdan sonra keçiriləcək.
Astarainfo.az
