Astara Rayon Gənclər və İdman İdarəsi, Rayon Dövlət Rəsm Qalereyasının birgə təşkilatçılığı ilə gənclər arasında “Novruzu birlikdə qarşılayaq” mövzusunda onlayn rəsm müsabiqəsi keçirilib.
Astarainfo.az xəbər verir ki, 15 gün davam edən onlayn müsabiqədə Astara Rayon Dövlət Rəsm Qalereyasını təmsil edən 25 nəfər istedadlı gəncin çəkdiyi rəsmlər münsiflər heyəti tərəfindən qiymətləndirilib.
Rəsm müsabiqəsinin yekun nəticələrinə əsasən İlahə Ağacanova birinci, İlahə Şirvanova ikinci, İlahə Mirzəyeva üçüncü yeri tutublar. Bahar Kərimli, Aysun Hüseynzadə və Ülkər Hacıyeva fərqləndirici yerlərə sahib olublar.
Onlayn rəsm müsabiqəsində fəxri yerləri qazanan və fərqlənən gənclər Astara Rayon Gənclər və İdman İdarəsinin diplomları ilə mükafatlandırılıblar.
