2020-2021-ci tədris ilində Astara rayonunun ümumtəhsil məktəblərini 11 illik təhsil üzrə 804 məzun bitirib. Ali məktəblərə sənəd verən məzunlardan 238 nəfəri tələbə adını qazanıb.
Bu barədə Astarainfo.az-a Astara Rayon Təhsil Şöbəsindən məlumat verillib.
Bildirilib ki, ali məktəblərə qəbul imtahanları zamanı məzunlardan 3 nəfəri 600 baldan yuxarı, 22 nəfəri 500-600, 46 nəfəri 400-500, 60 nəfəri 300-400 arası, 107 nəfəri isə 300-ə yaxın bal toplayıb.
Qəbul imtahanları zamanı rayonda ən yüksək bal toplayan Astara şəhər 1 nömrəli tam orta məktəbin məzunları Fatimə Dadaşova (635 bal) Azərbaycan Dövlət İqtisad Universitetinə, Mirnihad Məmmədli (621 bal) Lənkəran Dövlət Universitetinə, Asxanakəran kənd tam orta məktəbinin məzunu Mirhəşim Bəyəliyev (621 bal) Xəzər Universitetinə daxil olublar.
Diqqətə çatdırılıb ki, Astara rayonu üzrə ali məktəblərə qəbul olunanların 100 nəfəri Lənkəran Dövlət Universitetində təhsillərini davam etdirəcək.
Ali məktəblərə qəbul imtahları zamanı Astara şəhər 2 nömrəli tam orta məktəbinin məzunlarından 24 nəfər, Ərçivan qəsəbə 3 nömrəli tam orta məktəbindən 23 nəfər, şəhər 1 nömrəli tam orta məktəbindən 20 nəfər, Kijəbə qəsəbə tam orta məktəbindən 20 nəfər, Pensər kənd 2 nömrəli tam orta məktəbindən 19 nəfər, Təngərüd kənd tam orta məktəbindən 19 nəfər yüksək nəticə göstəriblər.
