Yanvarın 29-da Astara şəhərində fəaliyyət göstərən “Altay” Gənclərin İntellektual-İnnovasiya Klubunda “Gənclər həftəsi” çərçivəsində təlim və tədris kurslarında təhsil alan gənclərlə görüş keçirilib.
Astarainfo.az  xəbər verir ki, tədbirdə çıxış edən “Altay” Gənclərin İntellektual-İnnovasiya Klubunun sədri Ceyhun Mirzəzadə, Astara Rayon Gənclər və İdman İdarəsinin rəisi vəzifəsini icra edən Rufan Şirinov, rəis müavini İqrar Cəfərov Gənclər və İdman Nazirliyinin təşəbbüsü ilə 2 Fevral – Azərbaycan Gəncləri Gününün təsis edilməsinin 25 illiyi münasibətilə “Gənclər həftəsi” çərçivəsində keçirilən tədbirlərin əhəmiyyətindən danışaraq, klubda təhsil alan gənclərə uğurlar arzulayıblar.
Görüşdə “Altay” Gənclərin İntellektual-İnnovasiya Klubunda təhsil alanların bir qrupuna fəxri fərmanlar təqdim edilib.
Qeyd edək ki, “Altay” Gənclərin İntellektual-İnnovasiya Klubu yarandığı 2016-cı ildən bu günədək “Kompüter texnologiyası və internetin əsasları” təlim kurslarında 243, “Müasir gənclik, ingilis dili və dünyaya inteqrasiya” təlim-tədris kurslarında isə 81 nəfər təhsil alıb. Hazırda bu kurslarda 12 nəfər gənc kompüter texnologiyası və 10 nəfər gənc ingilis dili üzrə təhsilini davam etdirir.

MƏQALƏLƏRMÜƏLLIF DAHA ÇOX