Astara Uşaq Gənclər İdman-Şahmat Məktəbində Astara Rayon Gənclər vəİdman İdarəsinin, Astara Uşaq Gənclər İdman-Şahmat Məktəbinin birgə təşkilatçılığı ilə “Şuşa ili”nə həsr olunmuş rayon məktəbliləri arasında Şahmat üzrə Astara rayon turniri keçirilmişdir. Turnirdə Astara UGİŞM, Astara şəhər 1,2,3,4,5 saylı, Suparıbağ kənd, Səncərədi kənd, Tüləküvan kənd, Siyəku kənd,Şahağacı kənd 1 saylı və Pensər kənd 2 saylı tam orta məktəblərini təmsil edən ümumən 12 komanda, hər komanda 3 oğlan və 1 qızdan ibarət tərkiblə,komandalar 2 yarımqrupa bölünməklə yarışların dairəvi sistemi üzrə mübarizə aparmışlar.
Yarışın açılış mərasimində Astara Uşaq Gənclər İdman-Şahmat Məktəbinin direktoru, Beynəlxalq dərəcəli hakim Azər İbrahimov, Astara Rayon Gənclər və İdman İdarəsinin aparıcı məsləhətçisi Ələskər Əskərov çıxış etmişlər. Çıxışlarda Azərbaycan Respublikasında 2022-ci ilin “Şuşa ili”nin elan olunmasının və məktəblilər arasında Şahmat idman oyunun geniş təbliğinin əhəmiyyəti vurğulanmış və yarış iştirakçılarına uğurlar arzulanmışdır.
Turnirdə I yerə Astara şəhər 1 saylı tam orta məktəb komandası, II yerə Astara şəhər 2 saylı tam orta məktəb komandası, III yerə Astara şəhər 4 saylı tam orta məktəb komandası layiq görülmüşdür.
Fəxri yerləri qazanan komandalara və fərqlənən şahmatçılara Astara Rayon Gənclər və İdman İdarəsinin diplomları təqdim edilmişdir.
Yekunda xatirə şəkilləri şəkilmişdir.
