29 mart 2023-cü il tarixdə Astara Sərhəd Komendantlığında Dövlət Sərhəd Xidməti, Elm və Təhsil Nazirliyi, Gənclər və İdman Nazirliyinin birgə təsdiq etdikləri əsasnaməyə uyğun olaraq Lənkəran Sərhəd Dəstəsi, Rayon Təhsil Sektoru və Rayon Gənclər və İdman İdarəsinin birgə təşkilatçılığı ilə “Sərhəd ” hərbi idman oyunun rayon turu keçirilmişdir.
Tədbiri giriş sözü ilə Lənkəran Sərhəd Dəstəsinin Şəxsi heyət üzrə şöbənin ictimaiyyətlə əlaqələr bölməsinin rəisi, polkovnik Mehman Şükürov açıq elan etmişdir. Sonra tədbir iştirakçıları Azərbaycan Respublikasının Dövlət Himnini oxumuşlar.
Yarışda 7 komanda-35 nəfər məktəbli, 5 nümayəndə və 5 nəfər hakimlər heyəti iştirak etmişdir.
Yarışda “Sıra hazırlığı”, “Avtomatın sökülməsi və yığılması”, “Süni nəzarət iz zolağının yaradılması”, “Kəndirin dartılması”, “Sərhəd naryadı tərəfindən nəqliyyat vasitələrinə baxışın təşkili”, ”Maskalanma”, “Yaralanmış sərhəd naryadı üzvünə ilkin tibbi yardımın göstərilməsi və onun təxliyyəsi” mərhələləri üzrə komandalar mübarizə aparmışlar.
I yerə şəhər 3 saylı, II yerə şəhər 4 saylı, III yerə şəhər 2 saylı tam orta məktəbin komandaları layiq görülmüşlər.
Fəxri yerləri qazanan və mərhələlərdə fərqlənən komandalara Lənkəran Sərhəd Dəstəsinin, rayon Təhsil Sektorunun, rayon Gənclər və İdman İdarəsinin diplomları təqdim olunmuşdur.
Astara rayon turunun qalibi-Astara şəhər 3 saylı tam orta məktəbin komandası 2023-cü ilin aprel ayında Lənkəran şəhərində keçiriləcək respublika zona turunda Astara rayonunu təmsil edəcəkdir.