8-11 iyun 2023-cu il tarixlərində Gürcüstan Respublikasının Kutaisi şəhərində keçirilən yeniyetmə boksçular arasında Beynəlxalq turnirdə 5 ölkənin idmançıları qüvvəsini sınayıblar. Azərbaycan, Gürcüstan, Özbəkistan, İsrail və Latviya millilərinin də qatıldığı yarışda Azərbaycan yığması 3 qızıl, 2 gümüş və 8 bürünc medalla qazanmışdır.
Astara Boks Mərkəzinin baş məşqçisi Ayaz Baxşiyevin yetirməsi Bilalhəbəşi Nəzərov (46 kq) Azərbaycan Milli komandasının heyətində bütün döyüşlərdə rəqiblərinə tam üstünlüklə qalib gələrək fəxri kürsünün ən yüksək pilləsinə qalxmış və turnirin qızıl medalını qazanmışdır.
İdmançılarımızı təbrik edir və onlara yeni uğurlar arzulayırıq.
